الصبح الولد ياخذون العريس للحمام يصلخوه وخمسه يليفون ظهره وعشره يغسلون شعره ومليون واحد يتفرجون عليه ويبقون بالحمام شهر يغسلون بيه ويرجعون لي وره لانه العريس من النوع المطكع والاملح والغامق اللون ومقرمش البشره اما النسوان ياخذون العروسه الى الصالون يضربون شعرها اوتي لانه شعرها من نوع الشوكي المكفش الغير قابل للتسريح الا باستخدام اسحله دمار شامل وبعدين يجيبون العريس كما كان قبل ان يدخل الحمام يعني تعب على الفاضي يلبسوه القاط والرباط وبعد مايكمل اللبس نلقي نظره عليه ونكول والله بالجامعه جان احلى واما العروسه يلبسوها الفستان الابيض والطرحه اما الطرحه من اشوفها اذكر ابو العربانه الي يبيع زلابيه ومغطيها بقماش ابيض خفيف حتى الذبان مايجي على الزلابيه اما العروسه مالتنا اصلا الذبان تكش نفسه منها المهم تكعد ام العروسه يم بنتها تكلها سوالف ما اريد اكولها وتهلهل خخخخ
المهم يجون المعازيم وشلون معازيم كل وحده جايبه جهالها وزعاطيطها تجرهم وراها وتصيح على اطفالها ولك ابن القندره السياره مو تعبر والثانيا تصيح ولج سعديه ماشفتي الربطه مالتي مو كصايبي وظفايري طلعن شلون فشله المهم يخلون المعازيم بالكوسترات والباصات ودك وهز ركبه وللكاع خالي للكاع اما العريس والعروسه يخلوهم بسياره وحدهم والحر كاتلهم ومايعرفون شنو السالفه واحد يسال الثاني شنو اكو عرس اليوم ومن تخلص الحفله يزفوهم الى غرفتهم والناس كلهم يتمنون يدخلون وياهم ويتفرجون بس اللوتي العريس يقفل الغرفه وحتى الزرف مال الباب يلزك عليه علج والفتحه الي بين الباب من الاسفل والكاع يحط وراها طابوك ويصبها صب مسلح خرسانه هع هع هع هع هع للضحك وبس
المعذب برنس
الجنسيه : العراقالجنس : عدد المساهمات : 86تاريخ الميلاد : 14/03/1988تاريخ التسجيل : 19/03/2010العمر : 36
موضوع: رد: زواج عراقي الثلاثاء مارس 30, 2010 7:01 pm
السبت مارس 20, 2010 1:50 pm
