اچذب عالگلب لمن اشوفك جاي
واشغل نفسي گــُـوه وما أباوعلك
أحاول ما أشوفك وأنسه كل الفات
بلكي گليـبي يزهگ شوكك ويِــملك
اگول لنفسي باچر لازم انمــُــر بيك
واچذبني واصدك ..وأدري ما مرلك
صديقك مو حبيبك صعب هذا الدور
مثلته وغصب عالدمعه اضحكلك
وأسمحلك تدوس جروحي من تضوج
ومن تضحك بعد شتسوي اسمحلك
اشوف اهلك جنت والخاطرك كل يوم
ولأن گلبي يحبك صرت احب اهلك
ماينفع اسف والعمر يمشي بساع
واني وياك تهنه وكلمن بمسلك
مجنون اني ما ارهم اعيش وياك
ومن جسمي ولك لو ردت اذبحلك
اشربك ماي عيني وتاكل من الروح
واذا حزنان اخلي جروحي ترگصلك
رغم بيدي اجيب احساس واخذلك
وانته الدمعه ماتذرفهه لجل الناس
وماتعرف عدوك ذاك من خلك
ضل بهذا حالك واني هم ابعيد
واحسن خل اعوفك وانت احسنلك
الخميس فبراير 17, 2011 2:56 pm
