((اشكثر يالمحبوب تحب تخون ))
اشكثر يالمحبوب تحب تخون
وشبسرعه عندك العشره تهون
وشما سويت بيه ضليت لعيونك اصون
سنين عشتها وياك ..... اشكثر مره ...
وشكثر كلت اوووف وشكثر جريت حسره
وشكثر وصلولي كلام وكالولي حبيت
جذبتهم لعيونك ولا صدكيــت
كل شهر عندك محبوبه جديده .
صح كذبتهم بس بداخلي اني اكيده
وبكل مره تعوفك الجديده .... ندمان ترجع
وتحجيلي كلمتين اسف وجوه رجلي تركع
واني بعمري الك ماصديت ....
وبكل مره اسامح ولاتخليت
جنت مثل الورق ارجف من اسمع كلامك
احلى ايام تمنيتها تكون ايامك
تمنيتك تكون احد اسباب هنايا ..
شاء القدر ان يجعلك اكبر اسباب جفايا ...
وبيوم من الأيام كالولي محبوبج هناك ويه محبوبه ...
كاعدين بذيج الزاويه ... بلون الحب مصبوغه
صار الجدم يرجف من هيج اسمعت ...
وبكل غضب عليهم اركض رحت
وسألته بهمس من تكون الي انت مجالسها .؟؟
وفجأه التفتت وشفت بأصبعها محبسها !!
كتله ياظالم تريد على ايدك يصير موتي ؟
جاوبني بجفا : ماعرفتج هذه خطيبتي !!
بساعتها حسيت روحي ودعت
وماعرف شلون للبيت ارجعت
وحضرت الخطيبته اجمل هديه .....
علبه مليانه رسايل قديمه من محبوبها اليـــــــه !
وبوكتها كلت اه انه شكـــــــــثر غبيه ....
وعفتهم ومشيت ورجعت على حيلي وكفت ...
واني هم اجاني ابن ناس وغيره عرفت ....
ولاكيته بيوم عايفها وكاتله الحرمان ...
يعض بأصابع الندم ويصيح ندمان ....
عاتبته بقسوه وكتله .... انت مو انسان
كلي : كولي التكولي هذا من حقج
بس راجع ندمان وجارحني بعدج
واني مثل الطفله لحضانه رجعت ...
وبأول ايامي ويا من جديد انغدرت
وهم عرف محبوبه سمرا حلوه الطول ...
وهالمره اتعرفت عليها على طول
صاحبت صاحبته وسويتها صاحبتي .....
ومن اتصلنا بي اني وياها ... رد عليه وكال : منو انت ِ؟؟؟؟
نكرني كبالها ابن الحرام !!
هو هذا هم انســــــــــان؟؟
الخميس أبريل 15, 2010 7:27 am
