محاورة ابوذيات بين الشاعر رحيم المالكي و الشاعر جبار رشيد
رحيم :
عليك الدمع مابطل وجاري
هلي ملوا كثر نوحي وجاري
العلي ماصار بالدنيا وجاري
صديقي والعدو طبقوا عليه
جبار :
وثيقه بكل فخر كلبي وثقلك
جبل ما شفت بأخلاقك وثقلك
الك يرخص دمع عيني وثقلك
الكلب لمن يدك يوكع بديه
رحيم :
يدنيا بلوعي وشكواي حسي
وعن وجهي غبار الضيم حسي
اظل اصرخ واصيح بعالي حسي
لم تحسين يادنياي بيه
جبار :
مشغولين بيمن منشغلكم
ولو موشغلي هذا منشغلكم
بعد ماراح ابجي ومنشغلكم
اموتن راح واخصم هالقضيه
رحيم :
عليك الروح تسأل ما تسلها
وتدري انته العواذل ما تسلها
شمتاني سيوفك ما تسلها
اذا للضيج مر الضيج بيه
جبار :
هاك اشعل كلب كلبي ووجهاك
على حاله راح اعلمنك ووجهك
بشالك من تلف شعرك ووجهك
تلف روحي مثل لف المنيه
الخميس مارس 11, 2010 12:36 pm
